Schniba 2024

Büezer Schniba jedes Jahr – das Jahr tönt sie gspässig

Mir hoffed ihr findet d Melodie – genau wie mir ganz lässig

S’Ziel isch eu als Publikum - zum Klatsche animiere

Das tüemer bim Refrain - grad e mal probiere

D Glärnisch ufem Seeplatz - hät scho bald Eröffnig

Dass das wohl nöd wahr isch ja das schnallt sogar dä Bsoffnigst!

Wahrschinli händs huere angst - vorem grosse Asturm

Bevor die Beiz eröffnet staht in Züri scho dä Hardturm!

Dä Kaya Yanar hockt im Pool - und isch trotzdem troche

S wasser isch dur s Fundamänt - unverhoft abgloffe

Hetsch Büezer vo Wädi gnah - und die nöd vergrault

Währ din Pool nöd gschlisse sondern eifach nanig baut

12 Stutz füren Doppio – das sind krassi Priise

Es müesi so vill choste – wäg dä Tüürig und dä Kriise

Da haan ich mir s’Cindys globt – d’Eichmühli isch für Spiessär

Für 12 Stutz häts 3 Burger geh – und gratis na dä Schisser

Dä Strom isch langsam huere tüür – mer tueten fest verknappe

Ladsch eimal dis Handy – ja da chostets grad en Lappe

Doch da händ mir ä Idee – tüend eu da nöd wehre

Mir sind für meh AKWs – vom Ausee bis in Geere

Ihr dänked jetzt es AKW – seg en dumme Ifall

Es segi huere gförlich – und machi mega Abfall

Doch wägem Atommüll – muesch di nöd ufd Strass chläbe

Mer gäben ihn uf Richti – zur Belüchtig vo dä Räbe

Horge isch guet unterhöhlt – vill Stolle sind det z’finde

Für eus isch das dä beschti Ort – zum Brännstäb lah verschwinde

Es Endlager unterem Dorf – wäär für sie dä Bringer

Glii hettets es neus Wappetier – drüü Flügel und zwei Grinde

Chemikalie ade Händ – mit rote Farb sind volle

Dä katolisch Priester hät – Gäld usem Bättel gstole

Das isch sehr beidruckend – Verbräche sind dä Gipfel

Tüend die Chemikalie allne Priester au an Zipfel

Bar am See und Glärnisch Schiff – d Zuekunft isch det offä

Nur im Engel wirsch du na – bi schönem Wätter bsoffe

E Beiz bewirte isch isch kein Klax, das isch eus ja klar

Keine weiss das besser als dä Gloon vode Studio Bar

Wotsch in Wädi fäschtä – tuet sich d’Stadt fest wehre

Ussert bisch en Hippi – machsch es Technofäst im Geere

Es Pilzli da es Jointli det – am Tanner tuets guet passe

Als Lingge isch er grosse Fan – vom Kiffe und vom Hasche

Händer alli «Tschugger» gseh – d Fernsehserie usem Wallis

Schüsse, rase, chlöpfe ja die Bulle die chönd alles

Das bringt mich uf ä Idee – läk das währ äs Gaudi

Tschugger bi eus z’Wädi mit dä Jaqueline und em Waldi

Wie tuet mer richtig gendere – bim mailä und bim faxä

Mit *innen oder Genderstern – chume gar nüm druus was gaxe

Mir als «Büezer*inne» – findet das en Kack

Das gaht MIIR uf d’Eierstöck – und IHRÄ uf dä Sack